Nëna e këngëtares amerikane Lady Gaga, Cynthia Germanotta, ka folur për problemet e shëndetit mendor, me të cilat vajza e saj është përballur në shkollë të mesme.
Në një intervistë për “Hello!”, Cynthia zbuloi se Lady Gaga, emri i vërtetë i së cilës është Stefani Germanotta, bullizohej nga shokët e klasës për shkak se ishte “unike”.
“Filloi të luftonte me sfidat e shëndetit mendor, përfshirë depresionin dhe ankthin, në një moshë të re”, tha e ëma e këngëtares.
Më pas shtoi: “Kjo erdhi si pasojë e bullizimeve nga bashkëmoshatarët e saj për shkak të veçantisë së saj”.
Cynthia ka treguar më parë për “NBC’s Today Show” se depresioni i Lady Gaga filloi kur ylli i popit ishte duke ndjekur shkollën e mesme në Nju Jork.
“Ajo ndihej e izoluar, e poshtëruar, e tallur. Dhe pikërisht atëherë u përball me depresionin”, tha nëna e saj. “Ne u përpoqëm si prindër ta ndihmonim, por s’dinim gjithçka.”
Discussion about this post