Një ngjarje e rëndë u shënua mbrëmë në maternitetin e Sarandës, ku një nënë 35-vjeçare u hodh së bashku me fëmijën e porsalindur nga kati i dytë i spitalit.
Lidhur me rastin, flet dhe Tajor Lako, drejtor i maternitetit në Sarandë, ku ndërhyrja e shpejtë e mjekëve parandaloi një tragjedi të mundshme.
“Hedhja ishte tentativë për t’u larguar nga spitali. Çdo gjë në shëndetin e tyre është normale. Foshnja ka lindur në lindje normale është fëmija e gjashtë. Stafi ka qenë i përkushtuar për të siguruar qumësht dhe rroba për foshnjën. I nisim bashkisë një shkresë për shërbim social. I ndodhur në këto kushte komunikoj me drejtorin e spitalit dhe i nisim bashkisë një shkresë zyrës së shërbimit social, madje edhe gojarisht ka folur për rastin edhe shefja e burimeve njerëzore dhe përgjigja e tyre ishte se adresa e tyre rezultonte herë në Durrës, herë në Berat herë në Gjirokastër dhe ne nuk kishim siguri se ku dhe ishim në pritje për të marrë një adresë të saktë se ku mund t’i çonim.
Nuk pati gjë se nëna pasi është kacavjerrë nga dritarja në shesh është gjetur që e kishte fëmijën të lidhur tek gjoksi dhe barku për ta mbrojtur. Nga çfarë shihet këtu nuk ka pasur tentativë të nënës për t’u vetëvrarë por tentativë për t’u larguar nga spitali”- është shprehur Lako duke treguar në këtë mënyrë se pranë gruas nuk ishte partneri i saj.
35-vjeçarja Mandolina Jashari nga Durrësi, u hodh mbrëmjen e djeshme në orën 22:00, nga kati i dytë i maternitetit bashkë me foshnjen e saj. Fatmirësisht lartësia nuk ka qenë e madhe dhe se si nëna si i porsalinduri janë dëguar në spital dhe janë jashtë rrezikut për jetën. Arsyet se përse nëna mori këtë vendim të rëndë ende mbeten mister.
Discussion about this post