Nata e ndërrimit të viteve ka shënuar një tragjedi për emigrantët afganë, të cilët ndodhen në kufirin mes Iranit dhe Turqisë. Një nënë është sakrifikuar në emër të fëmijës së saj, teksa përballej me temperaturat e ulëta në qiell të hapur, me shpresën se do të krijonte një jetë më të mirë për djalin e saj. Gruaja nga Afganistani është gjetur e pajetë nga i ftohti, pasi ka hequr rrobat e saj për të mbuluar djalin. Nëna së bashku me fëmijët e saj po përpiqeshin të arrinin kufirin turk,për të shpëtuar nga gjendja e vështirë në të cilën ndodheshin në vendin e tyre. Gruaja i kishte mbledhur këmbët e saj me qese, ndërkohë që i kishte dhënë fëmijëve çorapet për të mos patur ftohtë.
Sipas mediave turke, trupi i saj bashkë me dy fëmijët, njëri 8 vjeç dhe tjetri 9 vjeç u gjetën në një fshat në kufi me Turqinë nga rojet kufitare të Iranit. Gjendja e dy fëmijëve të mitur raportohet e qëndrueshme, ndërsa po marrin trajtim mjekësor në spital. Në deklaratën e bërë nga Zyra e Guvernatorit të Vanit në lidhje me ngjarjen, thuhet se ka nisur një hetim për ngjarjen se një nënë me dy fëmijë që tentoi të kalonte kufirin Turqi-Iran ngriu për vdekje dhe fëmijët e saj u arratisën duke marrë strehim në fshat.
Discussion about this post