Detaje të reja janë zbardhur nga ngjarja shokuese në Greqi ku një nënë vrau tre vajzat e saj. Pak ditë më parë, babai i vajzave të Roula Pispirigoi, Manos Daskalakis, tha se gruaja e tij kishte një lidhje jashtëmartesore me një mik të familjes dhe se kjo ishte arsyeja që ai u largua nga shtëpia. Por menjëherë pas këtyre akuzave erdhi përgjigja nga avokatja e kumbarit të vajzës së dytë të çiftit.
“Lajmi që klienti im, i cili ishte kumbari i Malenës së vogël, ka patur një lidhje me Pispirigoun dhe se është babai i njërës prej vajzave është i pavërtetë”, u shpreh avokatja. Ajo tha se ai dhe familja e tij ndjehen të fyer nga këto aludime të cilat po përdoren nga disa persona dhe media të ndryshme në Greqi për të shkaktuar bujë dhe ‘rrëmujë’ të panevojshme për të marrë vëmendje mediatike.
“Në kontekstin e sa më sipër, tani bëhet e domosdoshme ndëshkimi i atyre që në kundërshtim me ligjin fyejnë klientin tim dhe familjen e tij, duke përfshirë komentet në rrjetet sociale dhe rehabilitimin e tij civil”, përfundoi avokatja.
Discussion about this post