Nëndetëses Titan i mbaron oksigjeni, por ka ende shpresa. Roboti shpëtimtar ka arritur në shtratin e detit

Roboti i shpëtimit ka mbërritur në fund të detit.

Ditën e djeshme, ekipet e kërkimit kapën zhurmat që vinin nga nën deti, pranë vendit të mbytjes së Titanikut. Megjithatë, ish-komandanti i nëndetëses bërthamore të marinës amerikane, David Marquet, ka paralajmëruar se zhurmat mund të mos vijnë nga nëndetësja.

Pak shpresa për të përfunduar shpëtimin e nëndetëses Titan, e cila u zhduk pranë rrënojave të Titanikut tani më shumë se katër ditë më parë.

Sipas përllogaritjeve, furnizimet me oksigjen kanë përfunduar, por operacionet e shpëtimit vazhdojnë.

Roboti i telekomanduar që përfundimisht duhet të lidhë Titanin ka arritur më në fund në shtratin e detit.

Autoritetet kanadeze dhe amerikane po kërkojnë për nëndetësen në një zonë më të gjerë se Sicilia, dhe sfida e gjetjes dhe rikuperimit të nëndetëses duket gjithnjë e më e vështirë.