Teksa gjithë vendi është në zi, qeveria “nuk e vë ujin në zjarr”. Pas mbledhjes, ata kanë vijuar prezantimin e vendimeve, në një kohë paralele ku është duke u zhvilluar edhe homazhi për të ndierin, nënkomisarin Saimir Hoxha që sakrifikoi jetën në luftë me krimin. Ky i fundit me meritë është shpallur “Dëshmor i Atdheut”, ndërsa ministri Çuçi vazhdon të bëj të njëjtën gafë, duke justifikuar papërgjegjëshmërinë me pretendimin se familjarët do të trajtohen menjëherë financiarisht nga shteti.
‘’Siç e dini, dje humbi jetën në mënyrë tragjike në krye të detyrës nënkomisari Saimir Hoxha. Morëm vendimin për shpalljen “Dëshmor i Atdheut” nënkomisar. Qeveria mori vendim për trajtimin e menjëhershëm financiar të familjarëve. Me marrjen etitullit, kur të hyjë në fuqi ligji i ri që miratuam në mbledhjen e parë të kësaj qeverie ato do të trajtohen, posaçërisht fëmijët si fëmijë në përkujdesje të Republikës. Në asnjë moment gjatë gjithë jetës së tyre nuk do i mungojë përkujdesja nga shteti. Kjo do të thotë se fëmijët do të marrin një trajtim deri në 18 vjeç dhe nëse vijojnë shkollën e lartë deri në 25 vjeç do të marrin pagë prej 170% të pagës së nënkomisarit. ‘’- tha Çuçi.
Justifikim që ka lënë pas dhjetëra përfaqsues të uniformave blu në përballje me kriminelët në vend që enden të lirë.
