Nënkryetari i Listës Serbe Igor Simir ka thënë se tensionet në veri të Kosovës janë të larta. Sipas tij kjo situatë është shkaktuar nga kryeministrin Albin Kurti, i cili ka injoruar paralajmërimet.
Sipas tij, serbët në Kosovë përpiqen për një jetë normale, por thotë se tensionet janë të pranishme në jetën e tyre dhe kjo po ndikon në procesin shoqëror.
“Tensionet në Kosovë janë të larta, por nuk janë rezultat i ndonjë aktiviteti serb, por i shkaktuar nga plani i Kurtit i cili shpërfill thirrjet e vendeve më të fuqishme të botës”, ka thënë ai, ka raportuar Tanjug.
Ai po ashtu ka propaganduar duke thënë se “Kurti ka për qëllim dëbimin e serbëve”.
Po ashtu, pa dhënë asnjë provë ka thënë se Policia e Kosovës “po e ngacmon vazhdimisht” popullin serb në Kosovë.
Discussion about this post