Nëntë autoblinda të KFOR-it amerikan kanë arritur në fshatin Banjskë të Zveçanit.
Kështu ka bërë të ditur media, të cilët janë duke qëndruar në udhëkryqin e fshatit Banjskë, aty ku dje në orët e para të mëngjesit u sulmua Policia e Kosovës, ku një polic mbeti i vrarë, një i plagosur dhe një tjetër i lënduar.
Disa orë më parë, edhe pesë autoblinda të Policisë së Kosovës kanë hyrë në fshatin Banjskë.
Ekipe të Policisë së Kosovës tashmë janë shtuar në pjesën e Zveçanit dhe të Leposaviqit, pas shkuarjes së pesë autoblindave të Policisë së Kosovës në fshatin Bansjkë.
Gjithashtu, dhjetëra ekipe të shtuara kanë shkuar edhe në drejtim të Komunës së Leposaviqit.
I gjithë ky operacion po ndodh, pasi sipas informacioneve është duke vazhduar aksioni për kapjen e disa prej anëtarëve që besohet të ketë ikur.
Discussion about this post