Dalin detajet shokuese nga përdhunimi që një biznesmen i bëri një 12-vjeçareje në Lefkada të Greqisë. Sipas informacioneve, 53-vjeçari e ka kërcënuar dhe shantazhuar të miturën, që nëse do të fliste për tmerret që pësoi, do ti vriste familjen.
Ndërkohë nëna e vogëlushes ka deklaruar se nëse autori lirohet, do ta vrasë vetë. “Do ta vras. Nëse ndodh diçka dhe ky njeri del i lirë, sepse ka njerëz që e mbulojnë, do ta varros vetë”. Ajo ka shpjeguar njëkohësisht se nuk i interesojnë as paratë, as dëmshpërblimet dhe ka bërë të qartë se 53-vjeçari nuk e ka ndihmuar asnjëherë familjen, siç pretendon ai. Për sa i përket gjendjes psikologjike të të miturës, ajo është ende e frikësuar pa arritur të kuptojë përmasat e tmerrit që ka përjetuar.
53-vjeçari i kërkonte të miturës çdo ditë video dhe foto me përmbajtje seksuale të cilat më pas i kanalizonte në internet për të “peshkuar” klientët. Vajza në deklaratën e saj thuhet se është përdhunuar nga të paktën dhjetë burra. Oficerët e policisë vlerësojnë se mund të ketë më shumë përdhunues të të miturës. Kjo sipas hetimeve, pasi më shumë se 200 klientë – grabitqarë, kanë kërkuar të miqësohen me 12-vjeçaren. Ka mundësi që 53-vjeçari të ketë gënjyer për moshën reale të 12-vjeçares dhe ta ketë paraqitur atë si 16-17 vjeç. E mitura thuhet se ka theksuar se disa meshkuj i kanë thënë se ajo është shumë e re dhe duhet të ketë kujdes.
Data e arrestimit
Nga prilli deri në gusht, vajza 12-vjeçare ka jetuar një makth absolut me 53-vjeçarin duke e përdhunuar. Kur ndodhej me pushime në Lefkada, një e afërme ka gjetur mesazhe tronditëse në celularin e saj dhe ka njoftuar të ëmën për to. Menjëherë nëna ka shkuar në komisariat dhe ka denoncuar. Pas një vëzhgimi nga afër, 53-vjeçari u arrestua dhe iu gjetën armë dhe pamje të pornografisë për fëmijë. Ai pretendon se është viktimë e plagjiaturës dhe se familja e 12-vjeçares kërkon ta shkatërrojë atë.
Discussion about this post