Ndikimi i agjërimit gjatë shtatzënisë mund të varet nga shëndeti i përgjithshëm i nënës, faza e shtatzënisë dhe koha e vitit kur ndodh Ramazani. Studimet thonë se agjërimi, veçanërisht gjatë shtatzënisë, mund të ketë efekte afatgjate për beben në vitet e mëvonshme të jetës. Disa studime raportojnë se bebet e lindura nga shtatzënat që kanë agjëruar mund të kenë probleme shëndetësore më vonë në jetë. Megjithëse agjërimi nuk ndikon te bebja në mitër, faktikisht mund të ketë pasoja afatgjate. Hulumtimet kanë zbuluar dy hipoteza sa i përket efekteve të fetusit.
Peshë më të ulët të bebes. Mungesa e ushqimit gjatë agjërimit mund të ketë efekte në rritjen e fetusit. Gjithashtu, organet të cilat janë duke u zhvilluar mund të dëmtohen përjetësisht. Kjo mund të ndodh për shkak të mungesës së vlerave ushqyese. Efektet të cilat bebja mund t’i vuajë më vonë në jetë përfshijnë problemet me veshka, tipin 2 të diabetit, sëmundjet e zemrës, etj, rrit mundësinë e dehidrimit nëse nuk keni konsum të ujit ose lëngjeve, dëmtim të aftësive kognitive. Mungesa e vlerave ushqyese gjatë agjërimit mund ta rritë nivelin e hormonit dhe kjo pastaj shpie në dëmtim të aftësive njohëse te bebja.
Shtatzënat duhet të përpiqen të mos agjërojnë gjatë Ramazanit sepse mund ta vënë në rrezik shëndetin e bebes. Megjithatë, nëse vendosni ta bëni këtë, atëherë sigurohuni të konsumoni shumë ujë dhe lëngje të pemëve të freskëta. Gjithashtu, duhet t’i shmangni ushqimet me shumë sheqer dhe pijet me kafeinë. Gjithsesi nevojiten më shumë kërkime për të kuptuar plotësisht se çfarë ndikimi mund të ketë agjërimi në shëndetin dhe zhvillimin e foshnjës dhe çfarë mund të nënkuptojë për shëndetin e fëmijës në jetën e mëvonshme.
Discussion about this post