Profesori i Kulturave Bujqësore, Nikollaq Bardhi ka deklaruar se rendimenti i prodhimit të misrit apo grurit ka pësuar rënie drastike. Bardhi, në një intervistë për Fax News, shprehet se në rast të mbylljes së kufijve, vendi ynë nuk ka rezerva të mëdha, duke theksuar se mund t’ia dalim me bukë vetëm gjysmë viti.
Profesori tha ndër të tjera se Shqipëria i ka të gjitha kapacitetet intelektuale dhe tokësore që të prodhojë pa qenë të varur nga importet, por problem qëndron te shteti që sipas tij nuk kryen asnjë lloj investimi dhe nuk financon prodhuesit shqiptarë.
“Mundësitë kanë qenë dhe janë, ato tokësore. Por, duhet të jetë vullneti i mirë, sepse në politikë janë njerëzit më të papërgjegjshëm. Kjo gjë është e rrezikshme, shtetet e mëdha ruajnë fuqinë e tyre ekonomike. Këtu kjo gjë nuk ndodh, nuk investohet! Nëse eksporton një mall, shteti të falenderon e të jep lekë. Made in Albania është domatja, kastraveci, prodhimet bujqësore. Në vitin 1969 vjen në vend një profesor italian, e presin të gjithë e deri te Enver Hoxha. Sa e do rrogën i thanë qëndro këtu, por ai i tha jam pasuri e kombit italian, por meqë po më respektoni kaq shumë më çoni dy djem të rinj t’i mësoj. Këtu prodhuesin nuk e financojnë, e lënë pa bukë të hajë, nuk i jep asnjë lekë për kuintal. Nëse mbyllen kufijtë Shqipëria ka rezerva buke vetëm për gjysmë viti. Është për të ardhur keq, sepse unë kam punuar në biznes privat në mbjelljen e misrit dhe jo vetëm nuk na thanë një fjalë të mirë, po ç’janë këta, ministrat. Ç’na duhen farat thonin, unë habitem se ca ndodh këtu”, deklaroi ai.
Discussion about this post