Ditën e nesërme, të dielën e 21 majit, do të mbahen zgjedhjet parlamentare në Greqi.
Sipas mediave të huaja, në zgjedhjet që do të mbahen në Greqi, kanë të drejtë vote 9.8 milionë zgjedhës, të cilët do të votojnë për zgjedhjen e 300 deputetëve të Kuvendit, për periudhën 2023-2027.
Nga 9.8 milionë votues, rreth 400 mijë janë votues të rinj, që do të votojnë për herë të parë në 21.529 qendrat e votimit që janë në total.
Vendvotimet do të hapen në orën 7 të mëngjesit dhe do të mbyllen në orën 19:00. Jashtë vendit, procesi zgjedhor shkoi pa probleme me 22825 emigrantë që ushtrojnë të drejtën e votës për herë të parë në vendbanimin e tyre.
Të drejtë vote në zgjedhjet e 21 majit kanë qytetarët që mbushin 17 vjeç brenda vitit 2023 dhe janë regjistruar në listat zgjedhore të bashkive.
Bazuar në Kushtetutë dhe legjislacionin zgjedhor, ushtrimi i të drejtës së votës është i detyrueshëm. Përjashtohen nga detyrimi ata mbi 70 vjeç, ata që do të jenë jashtë vendit ditën e votimit dhe ata që nuk mund të lëvizin për arsye shëndetësore.
Discussion about this post