Një orë para seancës plenare të Kuvendit të Shqipërisë që pritet të mblidhet nesër, kryeministri Edi Rama do të zhvillojë një takim me grupin parlamentar të Partisë Socialistë.
Në orën 16:00, anëtarët e grupit parlamentar, pritet të paraqiten në selinë rozë, përpara kryetarit të partisë së tyre. Mbledhja do të drejtohet nga Taulant Balla, i cili aktualisht mban vetëm postin e kryetarit të grupit parlamentar.
Ndërsa në orën 17:00, Rama pritet të jetë bashkë me deputetët rozë në Kuvend, në seancën e radhës. Lindita Nikolla, kryeparlamentarja ka lëshuar urdhrin e parë që nga zgjedhja e saj për mbledhjen e ligjvënësve.
