‘Nesër në shesh’, Vokshi: Rama po e kthen vendin në diktaturë

Deputetja e Partisë Demokratike Albana Vokshi, foli për pritshmëritë e opozitës nga protesta e nesërme, si dhe kush do të jetë hapi i radhës pas saj.

Ndërsa u bëri thirrje shqiptarëve për pjesëmarrje masive për largimin e qeverisë “Rama” ajo dha edhe arsyet se pse ata duhet të jenë në shesh nesër në orën 12:00.

“Koncensionet në shëndetësi kanë shkatërruar të gjithë sistemin shëndetësor.

E vetmja shtyllë e demokracisë në Shqipëri është opozita, çdo gjë tjetër e ka përqëndruar Edi Rama.

Rama po e kthen vëndin në diktaturë.

1 milion shqiptarë kanë ikur nga vëndi në këto 10 vite nga që nga viti 2013, kur në pushtet erdhi Edi Rama.

Vetëm dje janë përjashtuar 8 deputetë nga Kuvendi dhe në total 11 deputetë të Partisë Demokratike janë përjashtuar nga parlamenti

Qytetarët janë të pa përfaqësuar, ndaj i bëj thirrje të gjithë që t’i bashkohen kësaj proteste deri në largimin e kësaj qeverie”, deklaroi ndër të tjera Vokshi.