Ditën e sotme qytetarët janë mbledhur sërish para kryeministrisë për të protestuar kundër rritjes së çmimeve.
Njëra prej protestueseve të pranishme e cila ka mbajtur fjalën e saj para protestuesve të tjerë, ka lajmëruar se ditën e nesërme do të mbahet protestë para godinës së SPAK-ut.
Sipas protestueses, prej vitesh qëndronin dosje për ministra dhe ish ministra ndërsa ende nuk është marrë asnjë masë ndaj tyre.
Qytetarja: Spiropali akuzon Berishën se i ka duart me gjak ndërsa Berisha i thotë ju jeni hajdutë. Pra akuza ndaj njëri-tjetrit. Asnjërit prej këtyre nuk i hyn gjemb në këmbë. Ne dalim dhe protestojmë këtu dhe asgjë nuk zgjedhim. Piquni, fillojeni nga vetja.
Nesër bëhet një protestë para SPAK-ut sepse i ka dosjet e kopsitura me vite dhe nuk po merret me asgjë. Shqipëria po vuan për logjikën elementare. Do e shikoni se shumë shpejt nafta do shkojë 3 mijë e ca lekë dhe askush nuk mund të bëjë asgjë.
Qytetarja po ashtu është shprehur se kjo qeveri është e dështuar dhe nuk ka as kulturën e dorëheqjes pasi janë të lidhur pas karriges.
Discussion about this post