Nesër, më 11 dhjetor, një javë pas Primareve, Partia Demokratike do të zhvillojë raundin e dytë për të gjitha bashkitë që kanë dalë në balotazh, në mënyrë që të shpallin kështu kandidatët zyrtarë për zgjedhjet lokale të 14 majit. Rivotim do të ketë në bashkitë Fushë-Arrëz, Mirditë, Dibër, Fier, Librazhd e Mat.
Në Fushë Arrëz kandidatë janë Hilë Curri dhe Hilë Kola; në Mirditë garojnë Albert Mëlyshi dhe Aleksandër Lala; në Dibër Ismail Uka dhe Besnik Halku; Në Fier Etvar Kodheli dhe Artur Mahmutaj; Librazhdi do të vendosë përballë Shefki Çotën dhe Aranit Lekën, ndërsa për Bashkinë Mat kandidojnë Skënder Gjuci dhe Bukurosh Ballabani. Në balotazh, më 4 dhjetor dolën edhe Tirana, Kruja e Saranda, por rivalët me përqindje me të ulët kanë vendosur që të tërhiqen nga gara.
Në 4 Bashki, Kuçovë, Përrenjas, Memaliaj e Skrapar janë zgjedhur kandidatët e Partisë së Lirisë, ndërsa 4 të tjera i janë lënë aleatëve të Vangjel Dules. Konkretisht do të zgjedhin nga një kandidat në Himarë, Dropull, Finiq e Pustec.
Por problem është zona e Malësisë së Madhe, ku Partia Demokratike duket se nuk i ka mbushur mendjen askujt që të garojë. Ndërkohë që PD ka mbyllur punë me emrat e kandidatëve, duket se edhe grupi i Enkelejd Alibeajt ka nisur nga puna, por kandidatët e konfirmuar janë shumë pak.
Discussion about this post