Pas fillimit të sulmit masiv ushtarak ndaj objekteve bërthamore iraniane, kryeministri izraelit Benjamin Netanyahu i ka bërë thirrje popullit iranian të ngrihet kundër udhëheqjes në Teheran.
Qëllimi i operacionit izraelit nuk është vetëm të eliminojë kërcënimin bërthamor dhe balistik ndaj Izraelit – që paraqet “regjimi islamik” – por edhe të hapë rrugën që ju të arrini lirinë tuaj”, tha Netanyahu në një videomesazh drejtuar popullit iranian.
“Udhëheqja në Teheran nuk ka qenë kurrë më e dobët se tani”, tha Netanyahu.
“Ky është rasti juaj për t’u ngritur dhe për të ngritur zërin tuaj”, shtoi kryeministri izraelit.
Në të njëjtën kohë, ai përsëriti se sulmet e Izraelit nuk ishin të drejtuara kundër popullit iranian, por vetëm kundër regjimit islamik shtypës që i mban ata në varfëri.
“Ka ardhur koha që populli iranian të mblidhet rreth flamurit dhe trashëgimisë së tij historike duke u ngritur në këmbë për lirinë e tij kundër këtij regjimi të lig dhe shtypës”, tha kryeministri izraelit.
Discussion about this post