Një nga portierët që po spikat më shumë në Kampionatin Botëror “Katar 2022” është ai i Kroacisë, Dominik Livakoviç. Ai ra në sy sidomos pas eleminimit të Brazilit në fazën e çerekfinaleve, duke shkëlqyer në goditjet e penalltive.
Për 27-vjeçarin e Dinamos së Zagrebit duket se ka ardhur momenti i duhur për të bërë hapin e madh në karrierë.
Sipas gazetarit italian, Nicolo Schira, Livakoviç shihet tashmë nga drejtuesit e Bayernit të Mynihut si zëvendësuesi ideal i Manuel Neuer, i cili ka thyer këmbën duke bërë ski dhe do të mungojë për një kohë të gjatë.
Megjithatë, Bayerni nuk është i vetmi klub në garë për blerjen Dominik Livakoviçit, pasi siç sqarohet nga faqja e transfertave “fibrajes.net”, Sevilla kërkon që portieri kroat të zëvendësojë marokenin Yassine Bounou, një tjetër nga figurat e këtij Botërori, i cili pritet të shitet nga klubi andaluz në janar për një shumë sigurisht të parefuzueshme.
Discussion about this post