Dita e sotme në Shkodër është paraqitur më e qetë përsa i përket zjarreve ku pjesa më e madhe e tyre sidomos ata që ishintë rrezikshëmjanë vënë nën kontroll, disa prej tyre janë shuar totalisht.
Bashkia Shkodër bën me dije se është punuar gjatë gjithë natës për shuarjen e flakëve dhe vatra më e madhe e zjarrit në Malin e Taraboshit është shuar nga shërbimi zjarrfikës u angazhuan 10 efektiv me nga 3 mjete zjarrfikës dhe 5 punonjës ADZM Shkodër.
Vatra e zjarrit në Fushë-Arrëz është shuar përfundimisht pa shënuar dëme njerëzore apo në banesa vetëm në siperfaqe të djegura nga flakët ku 22 hektarë me pishë të zezë janë shkrumbuar. Operacioni i ndërhyrjes angazhoi 35 forca të armatosura nga Reparti Ushtarak Vau Dejës, 32 forca policore, 18 efektiv zjarrfikës, 5 mjete zjarrfikës, 52 forca vullnetare , 65 forca bashkiake dhe 14 persona, pjesë e shërbimit pyjor.
Edhe parku i Thethit është rrezikuar, por fatmirësisht situata u vu nën kontroll shumë shpejt. Është djegur 0.4 ha tokë, ndërsa vatra është izoluar plotësisht. Janë shuar përfundimisht edhe 2 vatrat e zjarrit në Cukal dhe në Njësinë Administrative Temal nga strukturat e Mbrojtjes së Zjarrit dhe Shpëtimit
