Policia e Shtetit ka dhënë detaje rreth mega-operacionit të koduar “Never Forget”, ku u lëshuan 15 urdhër-arreste, ndërsa u zbuluan 6 vrasje.
Ka qenë vetë drejtori i Policisë së Shtetit, Muhamet Rrumbullaku që renditi disa nga krimet që tashmë janë zbardhur, në periudhat nga 2021-2023.
“Janë zbardhur 6 vrasje, 3 raste të vjedhjes me dhunë, kanosjes së punonjësit të policisë si edhe zbardhjen e dy vrasjeve të kryera në tentativë.
Prokuroria e Elbasanit ka lëshuar 15 urdhra ndalimi, janë ekzekutuar 12 ndërsa 3 shtetas janë shpallur në kërkim. Artan Tafani, dyshohet se ka kryer disa ngjarje kriminale, vrasje nga viti 2021-2023”, tha Rrumbullaku.
Gjatë këtij megaoperacioni u zbardhën 6 vrasje. Artan Tafani autor i vrasjes Alban Semakut në peqin në 2021.
Për vrasjen e Çajup Selimit në Tepelenë në qershor 2021 autorët e dyshuar janë Leart Haxhiu, Artan Tafami, Erisiana Abenidini, Lulzim Spaija, Ligor Lomacka, Bujar Abedini.
Discussion about this post