Ish-kryeministri Sali Berisha ka ironizuar ‘lejen’ që ka marrë Ministri i Brendshëm, Bledi Çuçi. Ai ka ndarë një foto të hershme të ministrit i cili shihet në plazh ndërkohë që e krahason me homologun e tij nga Kosova, Xhelal Sveçlën, i cili mbërriti mbrëmjen e djeshme në Kukës për të ndihmuar për shuarjen e zjarrit në Kukës. Berisha shkruan se Çuçi bronzohet dhe relaksohet ndërkohë që ministri i Kosovës lufton me flakët në hyrje të Kalimashit.
‘Neveri dhe turp per narkoministrin e familjes qe pushon per kater pale qejfe ne ditet kur zjarret kane pushtuar ne te gjitha anet vendin’– shkruan ndër të tjera Berisha.
POSTIMI:
Ministri brendshem i Kosoves dje dhe narkoministri i Shqiperise!I Kosoves duke luftuar me flaket ne hyrje te Kalimashit, kurse ministri i familjes Çuçi bronzohet e relaksohet sikur te ishte minister ne nje vend te Oqeanise!Mirenjohje ministrit dhe forcave te armatosura te Kosoves! Neveri dhe turp per narkoministrin e familjes qe pushon per kater pale qejfe ne ditet kur zjarret kane pushtuar ne te gjitha anet vendin!Shikoni fotot! sb
Ministri Bledi Çuçi ia ka deleguar kopetencat zv.ministrit të Brendshëm, Andi Mahila deri me datën 20 korrik.
Ministri i Brendshëm i Kosovës Xhelal Sveçla mbërriti mbrëmjen e djeshme në Kukës, së bashku me forcat zjarrëfikëse për ti ardhur në ndihmë Shqipërisë dhe më konkretisht për të shuar vatrën e zjarrit që ‘pushtoi’ Tunelin e Kalimashit.
