Legjenda e Manchester United, Gary Neville foli për klubin e tij të zemrës, duke vënë në dukje edhe disa nga vështirësitë që po kalojnë “Djajtë e Kuq”, gjatë këtyre kohëve të fundit. Ish-mbrojtësi i djathtë, foli në thelb edhe për një nga titullarët e ekipit të Ten Hag, i cili, sipas Neville, nuk dukej aq i mirë s për të luajtur për një klub si Man. United
Duke folur në Overlap Live (Via Mirror), Neville u shpreh si më poshtë për situatën e David de Gea në Man United:
“Unë nuk dua të merrem shumë me një portier që ka qenë i shkëlqyer për Manchester United për dhjetë vitet e fundit. Ai ka pasur momente të vështira dhe nuk mendoja se ai ishte mjaftueshëm i mirë për të qenë portier i Manchester United në fillim”.
“Ai ishte shumë i lehtë, i mungonte fiziku. I kam bërë shumë kritika. Ka qenë një periudhë prej katër ose pesë vjetësh ku ai ishte shumë i mirë dhe performonte në një nivel të lartë. Ai ishte lojtari i tyre më i mirë kur ata ishin një ekip i dobët, por ai përsëri performoi në një nivel të lartë.
“Pastaj në dy vitet e fundit, ai [Roy Keane] e tha atë, nuk mund ta lësh atë golin, të dytin. Të jesh portier i Manchester United është pozicioni më i vështirë në futbollin anglez. Kjo gjë sjell më shumë përgjegjësi.
“Kam pasur dy portierë të mëdhenj te Peter Schmeichel dhe Edwin van der Sar, por në mes tyre humbëm katër tituj nga pesë. Duhet të kesh një portier të klasit botëror dhe United duhet ta bëjë atë ndryshim tani”.
Discussion about this post