“Nevojë urgjente për t’u bashkuar”, deputeti i PD-së zhvillon takim me demokratët e degës 7

Deputeti i Partisë Demokratike, Lefter Gështenja ka zhvilluar një takim me demokratët e degës nr. 7 në Tiranë. Në një postim në Facebook, Gështenja bën me dije se gjatë takimit është shtruar domosdoshmëria për bashkimin e PD-së. Sipas tij, zgjidhje për PD-në është vetëm një proces gjithëpërfshirës i bazuar në votë dhe meritokraci.

“Mes demokratëve në Degën 7, folëm mbi nevojën urgjente të bashkimit të Partisë Demokratike. Të gjithë flasin për bashkim, por askush nuk zbret në terren të dëgjojë realisht zërin e demokratëve. Shumë shpejt vijnë zgjedhjet lokale dhe nëse vazhdohet kështu përfituesi më i madh është Edi Rama. Situata në Partinë Demokratike ka vetëm një zgjidhje, një proces gjithëpërfshirës i bazuar në votë dhe meritokraci!” – u shpreh Lefter Geshtenja.