Duke filluar nga 14 dhjetori, fëmijët 5 deri në 11 vjeç, në New York, do të duhet të tregojnë prova për të paktën një dozë të vaksinës COVID-19 për të marrë pjesë në aktivitetet e brendshme të mbuluara nga i ashtuquajturi program “Key për NYC”, duke përfshirë ngrënien, argëtim dhe fitnes, tha de Blasio, kryebashkiaku i New York-ut.
Përveç kësaj, de Blasio tha se të rinjtë njujorkezë do të duhet të tregojnë prova për të paktën një dozë vaksinimi, deri më 14 dhjetor për të shijuar aktivitetet jashtëshkollore pas shkollës, si sportet, apo kërcim.
“Kjo është diçka që do t’i mbajë fëmijët dhe familjet të sigurta,” tha de Blasio. “Për sa kohë që ata e kanë marrë atë dozën e parë deri më 14 dhjetor, ata mund të vazhdojnë të marrin pjesë në ngrënie, argëtim dhe në të gjitha këto gjëra të mrekullueshme.”
Agjencitë federale të shëndetësisë në New York autorizuan vaksinat e koronavirusit për 5 deri në 11 vjeç në tetor. Megjithatë, vetëm 19% e fëmijëve të moshës 5-11 vjeç kanë marrë vaksinat e tyre, duke e bërë atë grupmoshën më pak të vaksinuar, sipas të dhënave të Departamentit të Shëndetësisë. Në të njëjtën kohë, normat e infeksionit me COVID-19 të qytetit janë “aktualisht më të lartat në mesin e 5 deri në 11-vjeçarëve tanë”, tha Komisioneri i Shëndetësisë Dave Chokshi.
Discussion about this post