8 persona kanë humbur jetën në Nju Jork të Shteteve të Bashkuara për shkak të një sulmi terrorist. Gjithashtu dhe 15 të tjerë mbetën të plagosur. Lajmi është konfirmuar nga Kryebashkiaku I Nju Jorkut, Bill De Blasio. Ky I fundit tha se ndërhyrja e shpejtë e agjentëve ndaloi përkeqësimin e bilancit të sulmit. Fillimisht një kamion hyri në një korsi biçikletash dhe përplasi disa çiklistë e kalimtarë. Më pas kamioni është përplasur me një mjet tjetër. Drejtuesi I kamionit ka dalë nga mjeti dhe ka qëlluar disa herë me armë zjarri. Disa dëshmitarë tregojnë se autori I sulmit ka thërritur “Allahu Ekber” ndërsa po qëllonte në drejtim të disa kalimtarëve. Pas këtij zhvillimi, policia I është kundërpërgjigjur duke qëlluar në drejtim të autorit. Më pas eshte bërë i mundur dhe arrestimi i tij. Në bazë të informacioneve dhe personit të arrestuar, ngjarja është konsideruar me natyrë terroriste. Në një konferencë për shtyp për të sqaruar të gjithë dinamikën e ngjarjes, guvernatori I Nju Jorkut Andrew Cuomo tha se autori ka vepruar I vetëm. Gjithashtu policia bëri me dije se sulmi konsiderohet I përfunduar. Autoritetet njoftuan se hetimet po vazhdojnë. Në hetime është përfshirë dhe FBI.
