Gazeta e njohur amerikane ‘New York Post’, sjell të tjera të dhëna tronditëse për skandalin që psheh si protagonistë, Kryeministrin shqiptar Edi Rama dhe ish-agjentin e FBI Charles McGonigal.
Në shkrimin e gazetares së njohur, Miranda Devine, thuhet se McGonigal kishte një listë të zezë me politikanë opozitarë, të cilët duheshin goditur.
Gazetarja shkruan se në këtë listë ishte edhe ish-kreu i qeverisë së Shqipërisë, Sali Berisha, i cili u godit me statusin non-grata në SHBA.
“Rreth një duzinë politikanë të opozitës, ose njerëz të biznesit që mbështesin partinë opozitare, u shtuan në ‘listën e zezë’ të McGonigal.
Këtu përfshihej edhe ish-lideri i opozitës, Sali Berisha, i cili u godit me statusin non-grata dhe iu ndalua të udhëtonte në SHBA nga Sekretari i Shtetit, Antony Blinken.
Fundjavën e kaluar, skandali i McGonigal luajti një rol kryesor në një protestë antiqeveritare në Shqipëri, përpara ndërtesës kryesore të qeverisë, ku kërkohej dorëheqja e kryeministrit për korrupsion të dyshuar për shkak të takimeve të tij me McGonigal.
Pankartat me emrin e ish-agjentit të FBI-së ishin të kudogjendura,” shkruan gazetarja.
Discussion about this post