Newcastle United është në ‘pole position’ për të nënshkruar me Ousmane Dembele nga Barcelona si një transferim i lirë ose të paktën kështu raportojnë mediat spanjolle.
Kontrata e 24-vjeçarit skadon në verë dhe ai ende nuk e ka rinovuar kontratën për të ardhmen e tij në klub, pavarësisht ardhjes së Xavit si trajner.
Xavi i ka thënë Dembeles se ai është një fans i madh i tij dhe beson se i ka të gjitha cilësitë për të qenë një nga anësorët më të mirë në botë.
Pavarësisht kësaj, ‘Mundo Deportivo’ pretendon se Dembele po i afrohet gjithnjë e më shumë një lëvizjeje në Premier League në vitin 2022.
Raportohet se Dembele do të marrë 15 milionë euro (12.73 milionë £) në vit në paga, përveç një bonusi të madh prej 15 milionë eurosh të tjera (12.73 milionë funte) nëse do të kalojë te Newcastle.
Situata financiare e Barcelonës është ende e rëndë dhe ata nuk do të jenë në gjendje t’i bëjnë atij një ofertë të tillë.
Francezi është në gjendje të fillojë negociatat me klube të tjera nga janari në Angli janë të interesuar për të.
Manchester United ka qenë i lidhur me një lëvizje në vitet e fundit dhe ishte afër nënshkrimit të Dembele në huazim në vitin 2020.
Ata po vëzhgojnë çdo zhvillim, por ardhja në verë e Jadon Sancho dhe shfaqja e Mason Greenwood do të thotë se nuk është më një transferim prioritar.
Dembele mbërriti te Barcelona nga Borussia Dortmund në vitin 2017 dhe ai i kushtoi gjigantëve katalanas 96 milionë paund.
Xavi përgëzoi Dembelen për marrjen e ‘rrezikut’ pasi luajti kur nuk ishte plotësisht në formë.
Për ‘Football-Espana’ ai shpjegoi: “Ai ka ndryshuar dinamikën e lojës. Ai ka krijuar raste. Ai bëri diferencën. Turp është që nuk ka ardhur gol nga krosimi, gjuajtjet e tij. Kam folur me të, është shumë i lumtur këtu, sot ka rrezikuar sepse nuk është 100%. Kishte një rrezik që ai të kishte një pengesë, dhe kjo është e habitshme. Duhet të flitet me të dhe të shihet nëse ndihet rehat dhe i lumtur.”/K.T/Gijotina.com
Discussion about this post