Klubi anglezë i blerë nga sheikët, Newcastle ka filluar të vihet në lëvizje dhe të bëjë oferta konkrete për lojtarët që duan të afrojnë në merkaton e janarit.
‘El Nacional’ raporton se ata i kanë vënë syrin mesfushorit të Real Madrid, Toni Kroos, madje shtohet se gjermanit i është bërë edhe një ofertë konkrete.
31-vjeçari është një nga emrat që sheikët duan t’i besojnë mesfushën dhe për të janë të gatshëm të paguajnë shumë. Klubi që konkurron në Premier League raportohet se është i gatshëm të paguajë deri në 30 milionë euro për kartonin e tij, aq sa edhe vlerësohet aktualisht.
Teksa nuk dihet ende nëse Madrilenët do e nxjerrin në shitje lojtarin, kontrata e të cilit përfundon verën e 2023-shit, ndërsa këtë sezon ai ka luajtur në vetëm dy takime të spanjollëve./K.T/Gijotina.com
