Steve Bruce u shkarkua nga Newcastle dhe ka marrë 8 milionë paund shpërblim, ndërsa zëvendësues i përkohshëm i tij do jetë ndihmësi, Graeme Jones.
Puna e 60-vjeçarit nuk është pëlqyer që në momentin që klubi u ble nga sheikët arabë. Largimi i Bruce u konfirmua nga klubi pas dy sezoneve në krye të kësaj skuadre raporton ‘The Sun’.
Pas këtij shkarkimi Bruce tha: “Unë jam mirënjohës për të gjithë personat që kanë qenë të lidhur me Newcastle United për mundësinë që më dhanë për të menaxhuar këtë klub unik të futbollit. Unë do të doja të falënderoja ekipin tim, lojtarët dhe stafin mbështetës në veçanti për të gjithë punën e tyre të palodhur. Ka pasur ngritje dhe ulje, por ata kanë dhënë gjithçka edhe në momente të vështira dhe duhet të jenë krenarë për përpjekjet e tyre. Ky është një klub me mbështetje të jashtëzakonshme dhe shpresoj se pronarët e rinj mund ta çojnë atë atje ku ne të gjithë duam të jetë. I uroj të gjithëve fat të mirë për pjesën tjetër të këtij sezoni dhe më gjerë.”
Graeme Jones do të marrë drejtimin e Newcastle për ndeshjen në transfertë me Crystal Palace të shtunën pasi u emërua shef i përkohshëm.
Jones, i lindur në Gateshead, 51 vjeç, iu bashkua stafit stërvitor të Bruce në janar dhe ndihmoi Gareth Southgate të përgatiste Anglinë për Euro 2020. Besohet se Bruce do të marrë rreth 8 milionë paund si kompensim pas shkarkimit.
Shkarkimi i tij vjen pasi Newcastle u mund 3-2 nga Tottenham në St James ‘Park të dielën para pronarëve të rinj Amanda Staveley dhe Mehrdad Ghodoussi./K.T/Gijotina.com
