Neymar Jr. (31 vjeç) nuk është ai i dikurshmi. Futbollisti brazilian nuk ka marrë pjesë në asnjë ndeshje që nga shkurti i kaluar dhe në prag të sezonit të ri, me Luis Enrique të sapoemëruar trajner, roli që do të ketë “ylli” brazilian te PSG nuk është aspak i qartë.
Në fakt, sipas “L’Équipe”, testet e para fizike të kryera nuk janë shumë inkurajuese për gjendjen e Neymarit. Ka dyshime se ai nuk do të mund të rikuperojë më gjendjen fizike më të mirë.
Ai është veçanërisht i shqetësuar për kyçin e këmbës së djathtë. Është operuar marsin e kaluar dhe për momentin është larg 100%. Këtë të martë, PSG-ja e Luis Enrique-s do të stërvitet në terrenin e gjelbër dhe Neymar nuk pritet të prekë topin.
E vërteta është se vitet e fundit të Neymar te PSG kanë dhënë shumë më pak nga sa pritej prej tij. Lëndimet në mënyrë të pashmangshme kanë penguar performancën e tij dhe kanë bërë që ai të humbasë një numër të madh ndeshjesh.
Ka kontratë me Paris Saint-Germain deri në qershor të vitit 2027, por në zyrat e skuadrës pariziene presin me padurim largimin e tij gjatë merkatos së kësaj vere.
Discussion about this post