Ndonëse media franceze “L’Equipe” njoftuan se braziliani Neymar kishte vendosur të qëndronte te PSG deri në qershor të vitit 2025, kur i skadon kontrata, situata e tij ka ndryshuar rrënjësisht ditët e fundit.
Sipas botimit të “Forbes”, Neymar është duke përgatitur rikthimin e tij në “Camp Nou”, ku ka luajtur nga korriku i vitit 2013 deri në gusht 2017.
Sipas burimit të cituar, PSG dhe Barcelona janë duke negociuar intensivisht për transferimin e futbollistit, për të cilin francezët paguan në gusht 2017 jo më pak se 222.000.000 euro.
Gjithsesi duhet kapërcyer vetëm një pengesë që kjo lëvizje të ndodhë.
Kështu, zyrtarët e Barcelonës e duan Neymarin në formë huazimi, me të drejtë blerjeje përfundimisht pas një sezoni, diçka e pranuar nga sheikët që drejtojnë klubin e PSG-së.
I vetmi problem që duhet të zgjidhë Barcelona, që Neymar të kthehet në ‘Camp Nou’ është rroga që ylli i kombëtares braziliane merr te PSG.
Sheikët duan që katalanasit të marrin pjesën më të madhe të pagës prej 36 milionë eurosh të “O Ney” në kryeqytetin francez, shumë të cilën Barcelona duhet të gjejë një mënyrë për ta paguar.
Discussion about this post