“Kam firmosur gjithmonë atë që më thoshte babai im që të firmosja”. Fjalë të yllit brazilian Neymar, gjatë procesit gjyqësor në Barcelonë ku akuzohet për veprime të paligjshme që kanë të bëjnë me transferimin e tij në 2013 nga Santosi te Barcelona.
“Im atë ka qenë gjithmonë i përgjegjshëm për tratativat kontraktuale. Ëndrra ime ka qenë gjithmonë ajo për të luajtur me Barcelonën, mund të shkoja te Reali, por gjithmonë doja Barcelonën”, – siguron lojtari i PSG, teksa u pyet nga prokuroria që e akuzon për korrupsion, duke kërkuar dy vjet burg dhe një gjobë prej 10 milionë eurosh për Neymar.
Gjithçka ka nisur nga një denoncim për korrupsion dhe mashtrim nga ana e fondit brazilian DIS, që në kohën e transferimit kishte në pronësi 40% të kartonit të lojtarit dhe pretendon se ka përfituar një shifër më të vogël nga sa kishte të drejtë. Në proces gjykimi janë edhe dy ish-presidentët e Barcelonës, Sandro Rosell që rrezikon një dënim me 5 vite burg dhe Josep Maria Bartomeu.
Discussion about this post