Futbollisti brazilian Neymar thotë se humbja ndaj Kroacisë në Botërorin e Katarit ishte momenti më i vështirë në jetën e tij dhe se pas asaj ndeshje ai qau pa pushim për pesë ditë dhe mendoi t’i jepte fund karrierës.
Siç raporton ESPN, Neymar ka thënë se pas Kupës së Botës në Katar nuk ka dashur të kalojë sërish dhimbjen që ka ndier pas disfatës ndaj Kroacisë dhe se po mendonte t’i jepte fund karrierës në këtë drejtim.
“Sinqerisht, pas Kupës së Botës në Katar, nuk doja të kthehesha. E them seriozisht. U ktheva sepse jam ambicioz dhe sepse mendoja përsëri për gjithçka. Pas Kupës së Botës, nuk doja të kaloja më atë dhimbje dhe vuajtje”, kujtoi Neymar dhe vazhdoi:
“Kam qarë pa pushim për pesë ditë. Më dhemb, dhemb si të të humb gjumi. Do të kisha preferuar të mos kisha shënuar gol, nëse do të përfundonte 0-0 dhe të humbnim te penalltitë, sesa si përfunduam me golin tim, një barazim dhe një humbje me penallti.”
Më tej ai tha se atmosfera në ekip dukej si funeral. Disa qanin nga njëra anë, të tjerët nga ana tjetër, dhe se ishte një moment dhe një ndjenjë që nuk duan ta përjetojnë më.
“Ishte momenti më i keq në jetën time, gjithçka dukej si një funeral. Disa qanin nga njëra anë, të tjerët nga ana tjetër. Me pak fjalë, ishte e tmerrshme, ishte një ndjenjë që nuk dua ta përjetoj më kurrë”, tha Neymar.
Kujtojmë se pas 90 minutave të ndeshjes çerekfinale të Botërorit në Katar mes Brazilit dhe Kroacisë ishte 1-1.
Neymar shënoi në minutën e 105+1 për të kaluar Brazilin në epërsi, ndërsa Bruno Petkovic barazoi rezultatin në 1-1 në minutën e 117-të. Pas kësaj, Kroacia fitoi me penallti.
Discussion about this post