Nga 0-2 në 3-2! Përmbysje spektakolare e Barcelonës

Barcelona ka marrë një fitore fantastike me përmbysje ndaj Celta Vigo në “Camp Nou”.

Pjesa e parë u mbyll me avantazhin e miqve, pasi në minutën e 19’ ishte Larsen që hapi sfidën.

Barcelona tentoi në çdo moment të gjente golin, por Celta arriti të shënonte edhe të dytin në minutën e 76’ me anë të Douvikas duke shuar shpresat.

Duke mos pasur asgjë për të humbur, Barça del e gjitha në sulm dhe në atë moment fillon përmbysja e madhe.

Në minutën e 81’ ishte Lewandowski i cili rihap lojën pas një asistimi nga Joao Felix. 5 minuta më vonë, në të 86’, ishte përsëri Lewandowski pas asistimit të Joao Cancelo që barazon shifrat. Por duke e merituar totalisht, portugezi Cancelo shënon golin e fitores në minutën e 89’, duke çuar të gjithë stadiumin në peshë.

Me këto tre pikë të fituara, Barça renditet në vendin e parë me 16 pikë.