Duke filluar nga data 1 prill paga minimale do të rritet me 6000 mijë lekë dhe do të shkojë në 40000 mijë lekë. Aktualisht paga minimale në vend është në nivelin e 34 mijë lekëve.
Lajmin e bëri të ditur ministrja e Financave Delina Ibrahimaj gjatë prezantimit të vendimeve të qeverisë
“Ka një rritje për 6000 lekësh, 17% më e lartë se paga që është në treg. Kjo pagë do t’i atribuohet si sektorit privat dhe atij publik. Nga data 1 prill paga minimale do të ketë rritje. Kjo ndihmë vjen në suport të këtyre bizneseve dhe numri i përllogaruar i përfituesve të kësaj mase është rreth 30 mijë persona,” tha ajo.
Edhe ministri I Mbrojtjes, Niko Peleshi deklaroi gjithashtu se rritje do të ketë edhe për ushtrinë, vendim që hyn në fuqi menjëherë.
“Nga data 1 mars rritje pagash për të gjithë ushtarët nga ushtari bazë deri sipas gradave. Nga 55 mijë lekë, paga do të shkojë në 75 mijë lekë,” tha ai.
Discussion about this post