Nga 2024 duhet të aplikoni për ETIAS për të shkuar në vendet e BE

Të gjithë udhëtarët së shpejti nuk do të mund të hyjnë në vende si Greqia, Spanja, Franca dhe Portugalia pa leje udhëtimi.

Skema e re, e quajtur Sistemi Evropian i Informacionit dhe Autorizimit të Udhëtimit (ETIAS), do të thotë se shumica e turistëve do të duhet të blejnë një leje udhëtimi për t’u lejuar të hyjnë në BE.

Leja do të kushtojë rreth (7 €) për ata mbi moshën 18 vjeç. Është një sistem tërësisht elektronik që lejon autoritetet të mbajnë gjurmët e vizitorëve nga vendet që nuk kanë nevojë për vizë për të hyrë në zonën Shengen.

Shtetasit nga 62 vende, përfshirë Shqipërinë, SHBA-në, Kanadanë apo Australinë, do të duhet të përdorin ETIAS-in. Pra të  gjithë shtetasit shqiptarë gëzojnë të drejtën të aplikojnë për ETIAS-in sepse Shqipëria është dhe do të vijojë të jetë një vend pa viza për BE-në. Autorizimi ETIAS nuk është një vizë, por thjesht do të kërkohet që të merrni një autorizim nëpërmjet ETIAS-it para udhëtimit të tyre, raporton Euronews Albania.

Përmes saj, aplikantët mund të qëndrojnë në Evropë për një maksimum prej 90 ditësh.

ETIAS është e vlefshme për tre vjet, dhe kësaj kohe mund të udhëtoni në Evropë disa herë.

Ndërsa shumica e turistëve nuk kanë nevojë të aplikojnë për një VISA, ETIAS do të bëj që  çdo aplikant t’i nënshtrohet një kontrolli të detajuar. Kjo është për të përcaktuar nëse ju lejohet të udhëtoni në Greqi, Spanjë, Francë, Portugali, Itali dhe destinacione të tjera jashtëzakonisht të njohura për pushime. Udhëzimi zyrtar i BE-së thotë se ETIAS do të funksionojë në të njëjtën mënyrë si ESTA Amerikane (Sistemi Elektronik për Autorizimin e Udhëtimit ETIAS është vendosur të prezantohet në vitin 2024 pasi fillimisht ishte planifikuar për vitin 2022.

Vonesa ishte për shkak të infrastrukturës së udhëtimit që kërkonte kohë për t’u përditësuar. Ju do të mund të aplikoni për dokumentin e udhëtimit në internet kur skema të nisë siç funksionimin vitin e ardhshëm dhe duhet të paraqitet me mbërritjen në destinacionin tuaj të udhëtimit.

Ju mund t’ju mohohet një ETIAS nëse jepni informacion të gabuar në aplikimin tuaj, po udhëtoni nga një zonë që mund të jetë e rrezikshme për shëndetin publik dhe nëse jeni një kriminel i dënuar ose në një listë vëzhgimi udhëtimi. Gjatë procesit të aplikimit do t’ju kërkohet t’i përgjigjeni pyetjeve në lidhje me punësimin, adresën, udhëtimet e mëparshme dhe të dhënat mjekësore.