Qeveria ka vendosur të heqë nga Sheshi Skëndërbej çadrat e vaksinimit. Lajmin e ka bërë të ditur Ministria e Shëndetësisë, e cila tregon se këto pika do të transferohen pranë qendrave shëndetësore si dhe pikës së vaksinimit të përqendruar në stadiumin “Air Albania”.
“Duke filluar nga dita e enjte, datë 25 Nëntor, ekipi i vaksinatorëve dhe mjekëve do të jetë në shërbim pranë qendrave shëndetësore si dhe në Stadiumin “Air Albania”, aty ku do të vijojë çdo ditë vaksinimi anti- covid”, thuhet në njoftim.
Kujtojmë se vaksinimi anti-covid është i hapur për fëmijët 12-15 vjeç me frenim të imunitetit si dhe për çdo qytetar mbi 16 vjeç. Aktualisht po kryhet edhe doza e tretë e vaksinës anti-covid, sipas rekomandimit të mjekut të familjes
Discussion about this post