Policia e Fierit ka vënë në pranga 3 persona në Fier të cilët akuzohen për vjedhje, zjarrvënie dhe dhunë. Blutë bëjnë me dije se bëhet fjalë konkretisht për të identifikuarit me iniciale E. L., 34 vjeç, pasi duke djegur barëra në tokën e tij në fshatin Jaxhias, Lushnjë, si pasojë flakët e zjarrit kanë dalë jashtë kontrollit dhe janë djegur ullinj në pronësi të Sh. K dhe N. Sh.
Po ashtu në pranga ka rënë edhe L. B., 55 vjeç, banues në Fier, pasi Gjykata e Shkallës së Parë Tiranë, me vendimin e datës 12.07.2021 e ka dënuar me 4 muaj burg për veprën penale “Vjedhja”.
U arrestua edhe Sh. T., 29 vjeç, banues në Divjakë, pasi ka ushtruar dhunë fizike dhe psikologjike ndaj nënës së tij; E. Gj., 27 vjeçe, pasi në aksin rrugor Çermë-Lushnjë, duke drejtuar automjetin tip “Dacia” ka goditur këmbësorin, K. Gj., 29 vjeç, i cili pasi mori mjekim në spital u largua për në banesë.
