Një nga aplikacionet më të përdorura nga njerëzit është padyshim dhe “TikToku”. Madje në vitin 2021 arriti t’ja kalonte dhe motorit të kërkimit “Google”, pas shumë kohësh të mbretërimit të kompanisë amerikane. “TikTok” u lançua ndërkombëtarisht në vitin 2018. Një nga arsyet kryesore të rritjes së popullaritetit të aplikacionit të videove ishte pandemia e Covid-19 dhe nevoja e njerëzve për argëtim gjatë ditëve të karantinës.
“TikTok” është shndërruar në një burim shumë të mirë të ardhurash.
Personazhe të ndryshme të shoëbzzit shqiptar prej kohësh janë shumë aktivë në këtë rrjet, ku përveç reklamave të ndryshme, mund të përfitojnë edhe thjesht përmes postimit të videove apo realizimit të Live-ve.
Përveç të famshmëve, një numër i madh njerëzish të thjeshtë kanë fituar shuma të mëdha parash përmes “TikTok”. Ato që në “TikTok” njihen si “gifts”, përkthehet në shuma të mëdha parash.
Vlera e dhuratave në këtë rrjet social, varion deri në 500 dollarë, teksa dhurata më e shtrenjtë është “TikTok Universe”. Cilado të jetë shuma që njerëzit arrijnë të kapin, 50 për qind të saj e fiton vetë “TikTok”.
Discussion about this post