Nga Aviacioni Civil te Shërbimi i Provës, Qeveria emëron drejtuesit e rinj

Qeveria ka miratuar në mbledhjen e sotme drejtuesit e rinj në disa institucione. Kështu Qeveria i ka propozuar Kuvendit që në krye të Bordit të Autoritetit të Mbikqyrjes Financiare të miratohet Mimoza Kaçi. Kjo e fundit ka mbajtur funksionin e nëndrejtorit Ekzekutiv te AMF, e cila drejtohej nga Ervin Mete, i cili u largua nga kjo detyrë pak javë më parë, pasi mori funksionin e ministrit të Financave.

Një tjetër ndryshim ka të bëjë me Shërbimin e Provës, ku drejtuesi aktual Ervin Hoxha, është liruar nga kjo detyrë.

Ndërkohë Dritan Gjonbalaj që drejtonte Aviacionin Civil do të zëvendësohet nga Lilika Radovica.