Kryeministri Edi Rama ka reaguar sot ndaj kritikave për ndërtimet pa leje në vend, duke vënë theksin te kontrasti i thellë mes qytetarëve të zakonshëm dhe ndërtuesve të fuqishëm që kanë përfituar nga mosndëshkimi ndër vite.
Ai ironizoi rastet kur policia dhe inspektorët penalizojnë fshatarë për ndërtim avllish apo riparime të vogla, ndërkohë që në mes të Tiranës ngrihen ndërtime me kate të tëra pa leje, të cilat nuk kapen nga askush.
“Sikur të mblidheshin gjithë fshatarët që janë gjobitur për një avlli, do bëhej mitingu më i madh pas atij të Zhou Enlait,” tha Rama, duke përmendur rastin e një burri mbi 90 vjeç që përfundoi në prokurori për një riparim në zonën e Dajtit.
Ndërsa për “Syrin e Tiranës”, Rama tha se ka 4-5 kate të ndërtuara pa leje në qendër të kryeqytetit, duke bërë thirrje për një veprim të barabartë ligjor për të gjithë.
Ai theksoi se mesazhi që po jepet është i qartë: askush nuk është mbi ligjin, as ndërtuesit më të mëdhenj.
Discussion about this post