Ditën e sotme do të zhvillohen një sërë ndeshjesh në kampionatet e huaja dhe vëmendjen tonë do e tërheqin më shumë tre prej tyre në La Liga dhe Premier League.
Në kampionait spanjoll skuadra e lojtarit të Kombëtares shqiptare, Keidi Bares, Espanyoli do të përballet me Elchen për raundin e 10.
Ekipi i shqiptarit renditet në vendin e 11 me 12 pikë, ndërsa kundërshtarët e tyre për këtë javë qëndrojnë në pozicionin e 14 të tabelës së La Ligas me 9 pikë, gjë që në letër skuadra e avantazhuar duket se është ajo e Bares. Megjithatë nuk dihet ende nëse Bare do të jetë në formacionin e sotëm, pavarësisht formës së mirë që ai ka momentalisht.
Premier League do të presë ditën e sotme në stadiumet e saj dy shqiptarë. Armando Broja pritet të jetë titullar në ndeshjen e orës 16:00 të Southampton me Burnley pas golit dhe formës së mirë që shfaqi në takimin e fundit në kampionatin anglez, atë kundër Leeds, ku i dha dhe fitoren ekipit të tij.
Southampton renditet aktualisht në vend të 15 të tabelës së Premier League me shtatë pikë, ndërsa kundërshtarët e tyre për sot qëndrojnë në vendin e 18 me vetëm tre pikë
Teksa shqiptari tjetër që prite të luajë është ylli i Kombëtares së Kosovës, Milot Rashica. Norwich do të përballet në transfertë me Chelsean në orën 13:30.
Shqiptari pritet që ta nisë këtë sfidë në rolin e titullarit, ndërsa takimi mendohet të jetë shumë i vështirë për ‘Kanarinat’ që renditen në fund të tabelës me vetëm 2 pikë dhe përballë kanë ‘Blutë’ e vendit të parë, që deri më tani kanë grumbulluar 19 pikë./K.T/Gijotina.com
