Nga Berisha te Bardhi, përjashtohen për 10 ditë 6 deputetë të PD

Gjatë deputetë të opozitës janë përjashtuar për 10 ditë nga punimet e Parlamentit, pas tensioneve në seancën e fundit parlamentare.

Këtë rradhë deputetët e përjashtuar janë kreu demokrat Sali Berisha,kreu i Grupit Parlamentar të PD, Gazment Bardhi, si dhe deputetët Flamur Noka, Elda Hoti, Albana Vokshi dhe Edi Paloka.

Vendimi është marrë nga Sekretariati i Etikës në Kuvend pas kërkesës së paraqitur nga deputetët socialistë.

Në seancën e fundit parlamentare, ashtu sikundër ka ndodhur në seancat e pothuajse dy muajve të fundit, ligjvënësit opozitarë kanë vijuar aksionin e tyre, duke krijuar tensione e kaos në sallën e Kuvendit, edhe pse ka pasur një numër të shtuar gardistësh brenda sallës së seancave plenare.

Edhe në këtë seancë, opozita arriti të fusë tymueset, edhe pse po aplikohen rregulla strikte kontrolli ndaj deputetëve. Opozita ka paralajmëruar se do të vijojë aksionin opozitar, ndërsa nuk dihet nëse në seancën e së enjtes, deputetët e përjashtuar do të tentojnë ose jo të hyjnë në sallën e Kuvendit.