Sokol Mjacaj, i dyshuar për vrasjen e Arben Lleshit dhe plagosjen e Indrit Shaqjas, brenda qelisë së tyre në burgun e sigurisë së lartë në Peqin, është transferuar nën masa të forta sigurie në Drejtorinë e Policisë së Elbasanit.
Mjacaj do të merret në pyetje nga grupi hetimor për të zbardhur dinamikën e ngjarjes së rëndë, ndërsa ai pritet të transferohet në një tjetër burg të sigurisë së lartë.
Arben Lleshi u qëllua me armë zjarri nga Mjacaj, ndërsa të shtënat kanë lënë të plagosur edhe Indrit Shaqjan. Të tre të burgosuit vuajnë dënimin me burgim të përjetshëm, por objektivi i Mjacajt ishte Lleshi, i cili mbeti viktimë.
Nga raportimet, pas krimit, Mjacaj ka arritur të mbajë peng disa persona, dhe është vetëdorëzuar në momentin që në ambientet e burgut të sigurisë së lartë kanë mbërritur forcat RENEA.
“Për shkak të një konflikti mes tre të dënuarve me burgim të përjetshëm kanë mbetur të plagosur dy prej dhe ndërkohë situata po menaxhohet! Ju sqarojmë që s’ka asnjë gardian, staf policor dhe civil të lënduar“, njoftoi më herët Drejtoria e Burgjeve.
Ndërkohë, Ministria e Drejtësisë ka urdhëruar vendosjen e tij në regjimin e posaçëm “41 bis”.
Ministri i Drejtësisë, Ulsi Manja u shpreh se do të zbatojë me rigorozitet ligjin për vendosjen në regjimin e posaçëm për të gjithë ata të paraburgosur dhe të dënuar që cenojnë rendin dhe sigurinë, apo që vazhdojnë aktivitetin kriminal brenda i IEVP-ve.
Sokol Mjaçaj është i dënuar përjetë për vrasjen e dy turistëve çekë, Michal Svatos dhe Anna Kusinova, më 3 korrik 2015 në fshatin Prekal të Dukagj
Discussion about this post