Mesfushori Engjëll Hoti ishte një nga më të spikaturit në duelin ndaj Teutës, ku Partizani triumfoi me rezultatin 1-4.
25-vjeçari arriti të realizonte dopietë, duke u zgjedhur edhe njeriu i ndeshjes. Ndërkohë mbrëmjen e sotme, Hoti, pati një lidhje në Skype me emisionin “Sport News” të moderators Trevisa Tufa, në “News 24”, ku foli për situatën te “Demat e Kuq”, duke u shprehur:
Çfarë iu tha Colella pas ndeshjes me Teutën? Rëndësi kanë 3 pikët. Trajneri bëri shaka kur tha se kur ka qenë hera e fundit që ke shënuar 2 gola. Në pjesën e parë e nxora pak kaviljen keq. Gjithsesi, gjërat kanë shkuar mirë.
Objektivat- Partizani kërkon çdo vit që të jetë lart, pra të luftojë për titullin. Ne kemi grup me balancë të mirë. Ne mendojmë ndeshje pas ndeshje dhe trajneri na ka dhënë lirinë e duhur. Unë mendoj se me këtë ekip që kemi, jemi duke dominuar çdo rival. Me rëndësi është që të realizojmë sa më shpejt. Ne me skemën 4-3-1-2, trajneri kërkon që të mos zbresim shumë.
Kur u largova nga Tirana, e kam patur mendjen të shkoj në shtëpi. Kur u lajmërua Marini, më ka bindur me një takim. Pas takimit e kam vendosur që të qëndroj dhe jam i kënaqur që kam shkuar te Partizani.
Trajnerët Mehmeti dhe Colella- Me Mehmetin ia patëm nisur mirë. Kur erdhi Kolela, na është dashur pak kohë që të përshtatemi. Ai e di se çfarë dëshiron. Mendoj se po na ndihmon dhe po na frymëzon. Tekniku po na mban më shumë në stërvitje.
Derbi ndaj Tiranës- Derbi shkoi si shkoi. Kemi bërë gabime individuale. E kemi ditur si luan Tirana, por nuk menaxhuam dot.
Skuka apo Xhixha?– Kam patur edhe Xhixhën vjet në ekip, ai ka çdo ndeshje raste pafund për të shënuar. Unë shpresoj që del Skuka golashënues pasi e kam bashkëlojtar.
Kë do pranoje, Kosovën apo Shqipërinë- Kënaqësi është të jesh pjesë e Kombëtares. Ne jemi një. Nëse vjen situata, do luaja me njërën prej tyre ” – u shpreh Hoti.
Discussion about this post