e nisjen e vitit të ri shkollor, Bashkia e Tiranës ka planifikuar një ndryshim të rëndësishëm në menaxhimin e trafikut për të reduktuar vonesat dhe për të siguruar një udhëtim të sigurt për prindërit dhe fëmijët. Kryetari i Bashkisë, Erion Veliaj, ka bërë të ditur se do të aplikohen masa të reja për të përmirësuar qarkullimin në mëngjes.
Një nga masat kryesore është angazhimi i vullnetarëve për të ndihmuar në menaxhimin e fluksit të automjeteve dhe për të ndihmuar fëmijët të kalojnë në vijat e bardha. Po ashtu, Veliaj theksoi se do të ndalohet lëvizja e automjeteve që furnizojnë dyqanet nga ora 07:00 deri në 09:00 të mëngjesit për të lejuar që trafiku i shkollave të kalojë pa pengesa.
“Këtë të hënë do të hyjmë në regjim të ri të trafikut. Vullnetarët do të ndihmojnë për të menaxhuar fluksin në çdo shkollë, dhe do të ndalojmë furnizimin me automjete nga ora 07:00 deri në 09:00. Ky është një hap që do të ndihmojë të gjithë prindërit dhe fëmijët të arrijnë në shkollë pa probleme”, njoftoi Bashkia.
Gjithashtu bashkia bën thirrje për prindërit që punojnë në administratën publike për të shmangur lëvizjen gjatë orarit të ngarkuar të mëngjesit, duke i inkurajuar ata të shkojnë në punë pak më vonë nëse është e mundur. “Orari është fleksibël. Prindërit mund të fillojnë punën në orën 09:00 dhe të rikuperojnë më pas orarin e plotë”.
gijotina.com/
Discussion about this post