Janë mbyllur tre fazat e para të “Abissnet Superiore” dhe kryesimin e kampionatit e mban Egnatia me 49 pikë. Rrogozhinasit janë skuadra më e mirë e fazës së tretë, pasi kanë grumbulluar 19 pikë dhe nga vendi i katërt pas përfundimit të fazës së dytë, tani udhëheqin kampionatin me meritë të plotë.
Vendi i dytë në kampionat mbahet nga Dinamo City, ndërsa në fazën e tretë skuadra e Ilir Dajës është ekipi i dytë më i suksesshëm, pasi ka grumbulluar 16 pikë.
Në vendin e tretë ndodhet Vllaznia me 15 pikë, ndërsa ekipi surprizë mund të quhet Laçi, i cili ka bërë hapa pozitivë dhe renditet i katërti për nga ecuria në fazën e tretë.
Skuadra e Francesco Moreiros ka grumbulluar 12 pikë, duke lënë pas Bylisin dhe AF Elbasanin me nga 11 pikë secila.
Nga katër ekipet e para të renditjes, Partizani ka pasur performancën më të dobët gjatë fazës së tretë, pasi ka grumbulluar vetëm 10 pikë.
Pas të kuqve renditet Tirana, që gjatë kësaj faze ka marrë vetëm 8 pikë, ndërsa Teuta është skuadra e fundit, me vetëm 6 pikë të grumbulluara.
Faza e tretë, pikët e grumbulluar:
1. Egnatia 19 pikë
2. Dinamo City 16 pikë
3. Vllaznia 15 pikë
4. Laçi 14 pikë
5. AF Elbasani 12 pikë
6. Bylis 11 pikë
7. Skënderbeu 11 pikë
8. Partizani 10 pikë
9. Tirana 8 pikë
10. Teuta 6 pikë
Renditja pas dy fazave të para:
1. Dinamo City 31 pikë
2. Vllaznia 31 pikë
3. Partizani 30 pikë
4. Egnatia 30 pikë
5. AF Elbasani 22 pikë
6. Teuta 22 pikë
7. Tirana 18 pikë
8. Laçi 17 pikë
9. Bylis 17 pikë
10. Skënderbeu 15 pikë
Renditja pas tre fazave të para:
1. Egnatia 49 pikë
2. Dinamo City 47 pikë
3. Vllaznia 46 pikë
4. Partizani 40 pikë
5. AF Elbasani 34 pikë
6. Laçi 31 pikë
7. Bylis 28 pikë
8. Teuta 28 pikë
9. Tirana 26 pikë
10. Skënderbeu 26 pikë
Discussion about this post