Besnik ndaj aleatëve edhe në këto zgjedhje elektorale, kreu i PD Lulzim Basha vendosi të garojë në një listë të përbashkët me ta, duke firmosur koalicionin parazgjedhor të 25 prillit.
Por sa vota morën aleatët e opozitës, sa prej tyre e do të jenë në parlamentin e ri të dalë nga zgjedhjet e 25 qershorit ?
Shpëtim Idrizi kreu i PDIU duket të jetë ndër më të votuarit dëri me tani. Në 947 qendra nga 1243 gjithsej, Shpëtim Idrizi numëron deri më tani 5875 vota, i ndjekur më pas nga kreu i republikanëve, Fatmir Mediu me 5149 vota.
Mbetur në Tiranë, Dashamir Shehi i LZHK-së, numëron 4300 vota, ndërsa kreu i PBDNJ, Vangjel Dule 639. Në shkodër, kreu i PDK Nard Ndoka, nuk ka arritur të sigurojë votat e mjaftueshme për të marrë një mandat deputeti, në këtë qark, ndonëse forcë e parë, PD arriti të sigurojë 5 mandate në parlamentin e ardhshëm. Kujtojmë se Ndoka u rendit i teti në listë, dhe për këtë qark ai arriti të sigurojë vetëm 228 vota.
Një karrige deputeti duket se ka siguruar aleati i PD në Durrës, Agron Duka. I dyti në listë, Duka siguroi në këtë qark 2997 vota.
