Kampionati Anglez i Futbollit do të rikthehet për sezonin 2023/24 më 11 gusht, kur Burnley fitues i Championship do të sfidojë kampionët e Manchester City-t në stadiumin e saj.
Një ndeshje që do të inaugurojë edhe kursin e ri të Federatës Angleze të Futbollit, e cila në fakt ka miratuar një sërë ndryshimesh gati për të revolucionarizuar kampionatin: ja për çfarë bëhet fjalë:
Revolucioni i parë i rëndësishëm në sezonin e ardhshëm të English Premier League (EPL) ka të bëjë me rikuperimin e kohës së humbur: në fakt, fokusi do të jetë në kohën efektive të lojës, siç është parë tashmë në edicionin e fundit të Kupës së Botës në Katar.
Prandaj, arbitri i ndeshjes duhet t’i kushtojë vëmendje kohëzgjatjes së ndërprerjeve të lojës: nga zëvendësimet te festimet, nga dëmtimet deri te futjet e tifozëve në fushë. Çdo sekondë e humbur më pas do të rikuperohet.
Dalja nga zona teknike e 20 trajnerëve të kampionatit (apo çdo anëtari tjetër të skuadrës në stol) do të ndëshkohet me karton të verdhë.
Në rast se do të materializohet një agresion verbal dhe fizik ndaj gjyqtarëve dhe ndihmësve, trajneri do të ndëshkohet direkt me karton të kuq.
Asnjë lëshim edhe për protesta: arbitri i ndeshjes do të mund të ndëshkojë me karton të verdhë grupin e lojtarëve që i afrohen atij për të kundërshtuar një vendim.
Federata e Futbollit ka vendosur gjithashtu një linjë të hekurt drejtimi për gjyqtarët: arbitrat e Premier League do të duhet të tregohen më të butësi në lidhje me kontaktet fizike dhe përplasjet e lojës. Objektivi? Të ndërpritet sa më pak të jetë e mundur loja dhe të bëhet më e rrjedhshme.
Discussion about this post