Fituesi i edicionit të parë të “Big Brother VIP”, Ilir Shaqiri ditën e sotme ka dhënë një intervistë për revistën Class, ku ka folur për lajmet që qarkulluan se do të bënte një dasmë. Ai është ndalur edhe te raporti me Sabianin pasi është përfolur për një përçarje ndërsa pati një koment dhe për emisionin e “rivalit” të tij brenda shtëpisë më të famshme, Donaldit.
Balerini është shprehur se aktualisht është angazhuar me disa projekte në Itali, të cilat u shtynë për shkak të pjesëmarrjes në “Big Brother VIP”. I pyetur për mikun më të mirë pas BB, Iliri tha se ka disa miq të mirë me të cilët vazhdon që të mbajë marrëdhënie të mira, por pa përmendur emrin e Sabianit.
“Kam disa miq të mirë dhe vazhdoj të mbaj marrëdhënie të mira me ta, sepse dinë çfarë flasin pa kushtëzime dhe pretendime, si gjatë programit, ashtu edhe pas tij. Në miqësi çdo gjë duhet të lindë në mënyrë spontane dhe nga zemra, përndryshe është falsitet dhe hipokrizi.”
Nga ana tjetër, i pyetur nga moderatorja në studio lidhur me raportin që ka pas me Sabianin dhe prishjen e miqësisë me të, Iliri është përgjigjur se ata mes tyre i kanë dhënë shumë gjëra njëri-tjetrit dhe se sipas tij, Sabiani është ai njëri që nëse i ka qëndruar më afër një herë, ai i ka treguar që di ta vlerësoj dhjetë herë.
“Mendoj që ne të dy i kemi dhënë shumë njëri-tjetrit, si brenda, edhe jashtë shtëpisë. Kur dikush bën për mua, di t’ia vlerësoj dhe ta rikëmbej pa ma kërkuar askush. Rëndësi ka kur miqtë dinë çfarë bëjnë dhe flasin në situata të ndryshme, për më tepër kur jemi në qendër të vëmendjes dhe para syve të publikut.
Gjithsesi, mendoj që Sabiani është njëri nga ata që, nëse më ka qëndruar më afër një herë, i kam treguar që di ta vlerësoj dhjetë herë, si me fjalë, ashtu dhe me vepra.”
Ndërsa, pyetjes se përse nuk ka shkuar në programin e Donaldit, ai iu përgjigj se ka dashur ta linte të fliste në shtëpinë e tij.
“Sepse doja ta lija të fliste në shtëpinë e tij. Në fund të fundit, është emisioni i tij dhe titulli duhej t’i përshtatej Donaldit, jo mua. Të përsëritnim BBV në ditën e 137-të të tij, mendoj nuk do kishte kuptim për vetë titullin e emisionit.”
Ai nuk kurseu ironinë dhe ndaj lajmeve që qarkulluan së fundmi në lidhje me dasmën që u përfol se do të bëhej në Durrës.
“Dasmë kam gjithmonë, jam me familjen time. Adhuroj surprizat dhe emocionet që ato japin. Për momentin, jam duke menduar koreografinë në spektaklin e radhës që do mbahet në Shqipëri së shpejti. Sa për dasmë, një të tillë e bëra duke zënë peshq, fotot dhe artikujt 2 javë para në plazh. Ne peshkatarët kemi një shprehje, QËLLOFSHI!”
Discussion about this post